गीत 

हरदम नेहिया के बाण फेंकल क रs।

चाहें कवनो नज़रिया से देखल क रs।।

           साँस तड़पे लागल 

           आस जागे लागल 

           प्रीत में गोली से 

           लोग दागे लागल,

आस दिल के पुराव, करीब आ के तू,

हमके रोकल क र, राह छेंकल क रs।। 

           रात होखे त का 

           केहू टोके त का 

           तहके चाहत रहेब 

           देबू धोखे त का,

सगरो चिंता मरे, फिकिर सब छूटे,

खाली तहके सोचीं, अइसे बेकल क रs।।

          बैर भूले सभे 

         मन-झूले सभे 

         प्यार ई देख के 

         फले-फूले सभे 

आदर सब में रहे, केहू कुछ न कहे,

काम अइसन क र, भले एकल क रs।।

                       - केशव मोहन पाण्डेय